Sherr me thika tek “Shqiponja” në Tiranë, plagoset 27-vjecari

Një 27 – vjeçar mbeti i plagosur me mjete prerëse mbrëmjen e sotme në Tiranë.

Ngjarja ndodhi rreth orës 19:45, në rrugën “Dritan Hoxha”, pranë sheshit Shqiponja, pas një konflikt të çastit.

Burime zyrtare nga policia bëjnë me dije se i plagosuri është 27 – vjeçari me iniciale M. N., banues në Tiranë.

Ai u dërgua në Qendrën Spitalore Universitare Nënë Tereza dhe ndodhet jashtë rrezikut për jetën.

Shërbimet e Policisë dhe grupi hetimor po punojnë për identifikimin dhe kapjen e autorit.